Wamasai wampongeza Magufuli kwakupigania rasilimali Za Nchi

Arusha. Viongozi wa mila ya kimasai maarufu Laigwanan wilayani Monduli, wamempongeza Rais John Magufuli kwa kupigania rasilimali za nchi ili ziweze kuwanufaisha wananchi wote.

Viongozi hao walitoa kauli hiyo juzi wilayani Monduli Juu baada ya kumalizika kwa kikao cha mila kilichofanyika chini ya mti maarufu na mkongwe wa Olopon, mahali ambako Waziri mkuu wa zamani marehemu Edward Sokoine alisimikwa kuwa kiongozi wa mila.

Mwenyekiti wa viongozi hao, Ngiboli Ngilepoi alisema wakiwa viongozi wa mila wanampongeza kwa dhati Rais Magufuli kwa kuhakikisha rasilimali za taifa zinarudi mikononi mwa wananchi.

Alisema hawatakuwa nyuma katika juhudi za kumpongeza Rais Magufuli kwani kwa kiwango kikubwa amehakikisha anapambana na wezi wa rasilimali za taifa, kitendo ambacho ni cha kizalendo. “Kama viongozi wa mila tunampongeza Rais Magufuli kwa kazi nzuri anayofanya ya kuhakikisha anapigania rasilimali za taifa,” alisema Ngilepoi.

Njokota Lami ambaye naye ni miongoni mwa wazee wa mila, alisema wanampongeza Rais Magufuli kwa kuwasimamia watendaji wake kama mawaziri ambao wamekuwa wakihakikisha wanatatua kero za wananchi.

Alisema uamuzi uliofanywa na Waziri wa maliasili na utalii, Dk Hamis Kingwangalla wa kurejeshwa kwa mifugo ya wakazi wa Loliondo iliyokamatwa wilayani Serengeti ni wa kujali masilahi ya wanyonge.

Naye Loota Sanare alisema viongozi hao wamekutana chini ya mti huo wenye historia lukuki ambao uamuzi mwingi ndani ya jamii ya kimasai hufanyika.

Alisisitiza kuwa viongozi wa kimila na wafugaji wanampongeza Rais Magufuli kwa kuhakikisha anajali masilahi ya wanyonge na daima katika vikao vyao wataendelea kumuombea.

Naye Saibulu Olemariki alisema kitendo cha Rais Magufuli kupiga marufuku kusafirishwa kwa mchanga wa madini nje ni kitendo cha ushujaa ambacho hakikuwahi kufanywa na watangulizi wake.

Comments

Post a Comment

Popular posts from this blog

Faida ya kutumia ganda la Ndizi mbivu

Wengi wetu tukila ndizi mbivu huwa tunatupa maganda ya ndizi, lakini ukweli ni kwamba maganda ya ndizi yana faida lukuki kama ifutavyo; 1.Husaidia kung'arisha meno. Unachotakiwa kufanya ni; Chukua sehemu ya ndani ya ganda la ndizi na kisha sugulia kwenye meno itasaidia kuyafanya meno yako kuwa meupe. 2.Husaidia kuondoa vipele vya mbu na wadudu. Unachotakiwa kufanya ni; Tumia ganda la ndizi kwa kusugulia sehemu uliyoumwa na mdudu au mbu ili kuondoa maumivu na wekundu. 3. Huondoa mikunjo usoni ( wrinkles) Unachotakiwa kufanya ni; Changanya ute wa yai na nyuzi nyuzi za ndani ya ganda la ndizi kisha paka usoni kwa dakika 20, ili kupoteza mikunjo. Hizo ni faida chache kati nyingi ya kutumia ganda la ndizi.
Read more

Kurudisha nguvu za kiume

Kurudisha nguvu za kiume Makala hii ni maalumu kwa ajili ya wanandoa tu na si vinginevyo au kama elimu kwa wanandoa watarajiwa. Muogope Mungu uzinzi ni dhambi kubwa sana. Katika kilele cha juu kabisa cha furaha katika ndoa, kama inavyojulikana, ni sherehe inayopatikana katika tendo lenyewe la ndoa. Ingawa, ili furaha hiyo ipatikane ni lazima tendo hilo liwe limefanyika katika hali ya afya kwa wanandoa wote wawili. Nguvu za kiume ni neno linalotumika mara nyingi kumaanisha ‘Uwezo wa mwanaume kufanya tendo la ndoa’. Na inapokuwa tofauti na hivi, tunaita ni ‘kupungua au kukosa nguvu za kiume’. Kupungukiwa kwa nguvu za kiume hutofautiana toka mtu mmoja hadi mwingine. Inaweza kuwa ni hali ya kutokuwa na uwezo wa kusimamisha uume, au hali ya kutokuwa na uwezo wa kufika kileleni kwa muda mzuri wa kutosha. Pamoja na hayo yote, elimu mhimu ambayo mwanaume anatakiwa kuwa nayo, ni kuwa nguvu za kiume hazipatikani kwa kutumia madawa ya kemikali au mahala pengine; bali zinat...
Read more

HISTORIA: Ernesto Guevara

Image
Jina kamili :  Ernesto Guevara Kazi :  Daktari, mwanamapinduzi wa kijamaa (marxist) Uraia :  Argentina Kuzaliwa :  June 14 1928 Kufariki :  October 9, 1967 ,Bolivia milima ya La heguera Chanzo cha kifo :  kuuwawa kwa kupigwa risasi Kama kijana msomi wa shahada ya udaktari, che Guevara alisafiri nchi nyingi sana huko bara la Amerika ya kusini na rafiki yake, akawa ni mtu mwenye uchungu mkubwa kuona maisha ya dhiki,njaa, magonjwa nchi za America ya kusini, akawa na mwamko mkubwa kubadili hali ile kwa kuwa aliamini ya kuwa mfumo wa ubepari ndio chanzo kikubwa kilichokuwa kinaitafuna Latin America. Miaka ya 50 akiwa anasoma udaktari huko Mexico Che Guevara alikutana na Fidel Castro na Raul Castro ambapo watatu hao walipanga mapinduzi ya kumg’oa raisi wa Cuba wakati huo Fulgencio batista ambaye alikuwa na huhusiano wa kimaslahi na America, Che akapata nguvu na uaminifu mkubwa kutoka kwa Fedel Castro na kupandishwa kuwa kiongozi wa wanamgambo (gueri...
Read more