Raila Odinga kuongoza NASA kiharakati

Nairobi, Kenya. Kiongozi mkuu wa upinzani wa National Super Alliance (Nasa), Raila Odinga ameubadili muungano huo wa kisiasa kuwa “muungano wa kiharakati” ambao hautakuwa unawatambua wala kuheshimu viongozi wa Serikali ya Jubilee.

Odinga amesema hayo leo Jumatano Oktoba 25,2017 alipowahutubia wafuasi wake kwenye viwanja vya Uhuru Park, Nairobi siku moja kabla ya kufanyika uchaguzi wa marudio kwa Urais.

"Hatutaitambua Serikali ambayo haitakuwa imechaguliwa kwa kuzingatia Katiba,” amesema akimaanisha utawala wa Rais Uhuru Kenyatta.

"Hatutawaheshimu Uhuru, (Makamu wa Rais William) Ruto, wakuu wa mikoa, makamishna wa kaunti na wengine wote..." amesema Odinga.

Pia, amewataka Nasa kufanya maombi mbali na vituo vya kupigia kura au wabaki majumbani kwao kesho Alhamisi Oktoba 26,2017 Kenya itakapofanya uchaguzi aliouita wa kinafiki.

"Msishiriki uchaguzi huo wa maigizo," amesema Odinga. Amewaeleza wanachama kwamba, "Nendeni mshawishi kila mmoja asishiriki uchaguzi huo."

Tofauti na tamko la awali, amewataka wafuasi wake wasithubutu kuingia mitaani akionya kuwa Serikali imesambaza polisi kwa ajili ya “kuwaua”.

Odinga ametoa tamko hilo baada ya  Mahakama Kuu ya Kenya kuondoa kwa kiasi fulani giza lililozingira uchaguzi wa marudio kwa kura ya urais uliopangwa kufanyika kesho baada ya kutupilia mbali maombi ya kutaka uahirishwe ikisema haina mamlaka hayo kisheria.

Baada ya juhudi zote za kuzuia uchaguzi kukwama, Mwenyekiti wa IEBC, Wafula Chebukati amelitangazia Taifa kwamba uchaguzi huo utaendelea kesho kama ulivyopangwa.

Amesema kazi ya usambazaji makaratasi ya kupigia kura na vifaa vingine ilikuwa inaendelea vizuri.

Chebukati amesema vituo vya kupigia kura vitafunguliwa kesho Alhamisi Oktoba 26,2017 saa 12:00 asubuhi na kutakuwa na usalama wa kutosha.

"Hakikisho ambalo tume imepewa na mamlaka husika na vyombo vya usalama hasa kwa kuzingatia maendeleo yaliyofikiwa hadi sasa na tume, uchaguzi utaendelea kesho kama ulivyopangwa," amesema Chebukati alipozungumza na waandishi wa habari katika ofisi za IEBC zilizoko jengo la Bomas.

Jengo hilo ndilo lililotangazwa katika Gazeti la Serikali kwamba kitakuwa kituo cha kujumlishia matokeo.

Katika mkutano huo na waandishi wa habari, Chebukati aliongozana na makamishna wote watano kuthibitisha kwamba hakukuwa na mgogoro wowote ndani ya IEBC.

Kesi zatupwa

Katika kesi ya kwanza Mahakama Kuu, Jaji George Odunga alikosoa mchakato uliotumiwa na IEBC kuteua maofisa wasimamizi wa uchaguzi na manaibu wao akisema haukuwa halali kwa kuwa ulikiuka Sheria ya Uchaguzi.

“Walalamikiwa (IEBC) wameshindwa kuwasilisha orodha ya watu waliopendekezwa na vyama vya siasa na wagombea binafsi walau siku 14 kabla ya siku ya mwisho ya uteuzi wao kuwezesha kuwa na uwakilishi, kwa kufanya hivyo wajibu maombi walikiuka Kanuni ya 3(2),” alisema Jaji Odunga.

IEBC iliteua maofisa 290 na manaibu wao kwa ajili ya kusimamia uchaguzi wa marudio unaofanyika kesho. Hata hivyo, Jaji Odunga alikataa kutumia hoja hiyo kuahirisha uchaguzi huo akisema mbele yake hakuna maombi ya kusogeza mbele uchaguzi wa marudio hivyo hawezi kutoa amri kama hiyo.

Katika kesi ya pili, Jaji Chacha Mwita aliyekuwa anasikiliza maombi yaliyowasilishwa na mbunge wa zamani wa Kilome, Harun Mwau akitaka uchaguzi uahirishwe alisema korti hiyo kisheria haina mamlaka na uchaguzi wa Rais. Mwau alitaka mahakama isitishe uchaguzi huo ili uteuzi uanze upya.

Kesi ya tatu ni iliyofunguliwa Mahakama ya Juu na wanachama watatu wa asasi za kiraia wakitaka uchaguzi uahirishwe. Hata hivyo usikilizwaji wa kesi hiyo iliyofunguliwa jana kwa hati ya dharura ulikwama baada ya kukosekana akidi ya kutosha ya majaji.

Comments

Post a Comment

Popular posts from this blog

Faida ya kutumia ganda la Ndizi mbivu

Wengi wetu tukila ndizi mbivu huwa tunatupa maganda ya ndizi, lakini ukweli ni kwamba maganda ya ndizi yana faida lukuki kama ifutavyo; 1.Husaidia kung'arisha meno. Unachotakiwa kufanya ni; Chukua sehemu ya ndani ya ganda la ndizi na kisha sugulia kwenye meno itasaidia kuyafanya meno yako kuwa meupe. 2.Husaidia kuondoa vipele vya mbu na wadudu. Unachotakiwa kufanya ni; Tumia ganda la ndizi kwa kusugulia sehemu uliyoumwa na mdudu au mbu ili kuondoa maumivu na wekundu. 3. Huondoa mikunjo usoni ( wrinkles) Unachotakiwa kufanya ni; Changanya ute wa yai na nyuzi nyuzi za ndani ya ganda la ndizi kisha paka usoni kwa dakika 20, ili kupoteza mikunjo. Hizo ni faida chache kati nyingi ya kutumia ganda la ndizi.
Read more

Kurudisha nguvu za kiume

Kurudisha nguvu za kiume Makala hii ni maalumu kwa ajili ya wanandoa tu na si vinginevyo au kama elimu kwa wanandoa watarajiwa. Muogope Mungu uzinzi ni dhambi kubwa sana. Katika kilele cha juu kabisa cha furaha katika ndoa, kama inavyojulikana, ni sherehe inayopatikana katika tendo lenyewe la ndoa. Ingawa, ili furaha hiyo ipatikane ni lazima tendo hilo liwe limefanyika katika hali ya afya kwa wanandoa wote wawili. Nguvu za kiume ni neno linalotumika mara nyingi kumaanisha ‘Uwezo wa mwanaume kufanya tendo la ndoa’. Na inapokuwa tofauti na hivi, tunaita ni ‘kupungua au kukosa nguvu za kiume’. Kupungukiwa kwa nguvu za kiume hutofautiana toka mtu mmoja hadi mwingine. Inaweza kuwa ni hali ya kutokuwa na uwezo wa kusimamisha uume, au hali ya kutokuwa na uwezo wa kufika kileleni kwa muda mzuri wa kutosha. Pamoja na hayo yote, elimu mhimu ambayo mwanaume anatakiwa kuwa nayo, ni kuwa nguvu za kiume hazipatikani kwa kutumia madawa ya kemikali au mahala pengine; bali zinat...
Read more

HISTORIA: Ernesto Guevara

Image
Jina kamili :  Ernesto Guevara Kazi :  Daktari, mwanamapinduzi wa kijamaa (marxist) Uraia :  Argentina Kuzaliwa :  June 14 1928 Kufariki :  October 9, 1967 ,Bolivia milima ya La heguera Chanzo cha kifo :  kuuwawa kwa kupigwa risasi Kama kijana msomi wa shahada ya udaktari, che Guevara alisafiri nchi nyingi sana huko bara la Amerika ya kusini na rafiki yake, akawa ni mtu mwenye uchungu mkubwa kuona maisha ya dhiki,njaa, magonjwa nchi za America ya kusini, akawa na mwamko mkubwa kubadili hali ile kwa kuwa aliamini ya kuwa mfumo wa ubepari ndio chanzo kikubwa kilichokuwa kinaitafuna Latin America. Miaka ya 50 akiwa anasoma udaktari huko Mexico Che Guevara alikutana na Fidel Castro na Raul Castro ambapo watatu hao walipanga mapinduzi ya kumg’oa raisi wa Cuba wakati huo Fulgencio batista ambaye alikuwa na huhusiano wa kimaslahi na America, Che akapata nguvu na uaminifu mkubwa kutoka kwa Fedel Castro na kupandishwa kuwa kiongozi wa wanamgambo (gueri...
Read more